MAISHA NA MIKALO YA CHARLES MUSYOKI KIKUMBI - KIJANA (KIMANGU BOYS BAND)

Charles Musyoki KIKUMBI (Kijana) asyaiwe Mwaka wa 1970 utuini wa Ithekethini Kimangu Yatta e Mwana wa Maria na Musee Kikumbi KITUU. Asomeiye Sukulu wa Kaumoni Primary na itina Kaumoni Secondary School. Niwalikile Ikundi Ya Siasa yeetawa Kanu Youth Wing. Auma vau niwalikile ikundi ya Kyanganga Boyz Band yake Peter Muambi lakini itina wa ivinda ikuvi auma Band isu na alika Kimangu Boyz Band ya Mwana-A-Inyia.

Alika Band ya Kimangu niwasenzisye isyitwa kuma "BOY" eetwa Kijana Mwaka wa 1990. Aivika vau niwakunite Masaani(Cassettes) atano ta: Mbingo Ya Musyi, Muoi Danger, Charles Mutiso Rebecca, Kyalo Simba, na Beth Yiungui. Mbingi sya Mbathi ii ainaa na Kyalo Junior na Mbatha Rithi Producer woo ayitwa SUA PRODUCTION. (Mbingi sya Mbathi ii ti aingi masyisi).

Mwaka Wa 1991 Kijana Charles Musyoki KIKUMBI niwasyukisye Band ino na akuna Isaani Kwa isyitwa: LEO NI LEO(Volume 1) na Matunda Productions. Mwaka o usu wa 1991 Mwei Wa Ikumi niwakunie Kaseti ingi kwa isyitwa MPENZI ANNAH( Volume 2), Wendo Usu-Volume 3(1992), Mwaka Wa Mikatiko-Volume 4(1993), Kadogo-Volume 5(1993), Sweet Malalu-Volume 6(December 1993) Kunua Kiangi-Volume 7(1994), Harusi Ya MK-Volume 8(1994), Mpenzi Wangu Nimerudi- Volume 9(1994), Elimu Ni Kitu Kizuri-Volume 10(1995), Safari Ya Kisii-Volume 11(1995) na Show Ya Kitui-Volume 12(1995).

Nundu wa itumi syake ila usyisi na Ngai wake, Kijana ndaakuna Volume 13.

Itina wa vau Kijana Charles Musyoki KIKUMBI niwaumisye Kaseti na amita Majibu Ya Monyoncho-Volume 14(1996), Shida Ya Kinyambu-Volume 15(1996), Original Kuluta-Volume 16(1997), Keka Nineesi- Volume 17(1998), Bomb Blast-Volume 18(1998), Katheka Kambu-Volume 19(1999) na avinga Kyathi na Songs of The New Millennium-Volume 20(1999).

Kijana atutiiye MATUKU 10/7/2000 Saa Kumi Na Umwe vala waumite Machinery kwa Athoni Make itina wa kuemanwa na Muka Wake Marietta Musyoki na asemba eevitha o vau Musyi nake Kijana eesily'a ta wathi kwoo na oosa ngali amuatiiya. Amukosa niwaumie ku na ngali yake na andu angi ana. Atanamba kwitwa niwatiiye akunite mbathi sya Volume 21 lakini Kyalo Junior asyikia Volume 22 vala ve Mbathi ta Safina.

Mwaka Wa 1990 Kijana Charles Musyoki KIKUMBI niwainite Mbathi na akaema kuithoosya indi nisyeekiiwe nthini wa Volume 21 na Kimangu Special kwa Useo Wa Kyalo Junior.

Tuimalilikana aini ala wainaa namo ayika "Recording" na Matunda Productions ni:
1. Francis Mutuku-"Pastor Maiti"(SOLO).
2. Bosco Mulwa-Solo.
3. Francis Danger Kavuu-Rhythm.
4. Chris Nzombo-Rhythm.
5. John Muasa-Rhythm.
6. Ancent Mumo(Sendi Ringo Star)-Rhythm.
7. Mutua Satani-Bass.
8. Sammy Kasee-Bass.
9. Wagateembura-Drums.
10. Munyao Ka Kimangu-Drums.
11. James Mwau Kilonzi-Drums.
12. Wasi Wasi-Vocalist.
13. Isaiah Mutie-Vocalist.
14. Lucas Mutua "Ng'athika."-Vocalist.
15. Wambua Wa Masilia-Drums(Reservist).
16. Kyalo Junior-Main Composer na Mukuni Wa Miio Yonthe.
17. John Kiio Kyuma(Cousin)-Vocalist.
18. Joseph Kitussa-Mavoloni(Vocalist).



Mwaka Wa 1994 niwatwaanie na Amina Ishmael kuma Kitui na matiana nake atwaa Marietta Kanini Musyoki ula matumite nduu aisomea Darajani Secondary kuuya Machinery. Kijana niwe waivaa fees wa Marietta kuma e Form 2. Nimaathimiwe na Kana Ka Kavisi ena Marietta ketawa FESTUS KITUU KIKUMBI JUNIOR Mwaka Wa 1998.


Vayi Musyi ute Kau: Kijana akuna Volume 20 Mwaka Wa 1999, aini ana ala nimo: John Muasa, Sammy Kasee, Mutua na Isaiah Mutie nimaumie Kimangu na maseuvy'a Band yetawa Simba 4. Band ino niyathelile Kijana Charles Musyoki KIKUMBI eetwa na aume asu masyoka Bandini ya Kimangu vala matongoew'e ni Kyalo Junior Diambo Mwana-A-Inyia wa Musyoki KIKUMBI.

Eka Wathi, Kijana Charles Musyoki KIKUMBI ai mutandithy'a ngaluko ya Matatu vala watetheaniasya na Simon Munywoki Mweene Matatu sya ORIGINAL LINE. Simon Munywoki niwe wamuteeiye Kijana Charles Musyoki KIKUMBI matatu yake yambee na yeetwa Wendo Usu One (KAC). Kuma vau Kijana niwathooiye Wendo Usu 2(Love Station KAD), Mwaka Wa 1997 niwathooiye Wendo Usu 3(Lesoi KAJ) na Wendo Usu 4(Lesoi Kid) na Wendo Usu (Lesoi Niece).
Kyalo junior niwe wainiia musyoki nundu wasya wa musyoki uyai vili nguuti.

Kijana eetwa Mwana-A-Inyia wake Kyalo Junior Diambo niwoosie utongoi wa Band ya Kimangu na akuna Kaseti ta: TUMKUMBUKE KIJANA-Volume 22, MUKASA WA KYANGULI-Volume 23 na indi Volume 24(MUOI MUSYI) indi onake atutia Matuku 22/3/2002. Kyalo Ai na Kinengo Kya Wathi nundu wasya wiw'aa Kaseti sya Kimangu syonthe ni wake. Athumue na Muuo.

Kyalo amina kututia, Mwivae ula woo Patrick Musee KITUU niwoosie utongoi wa Band isu na akuna Volume 25, 26, 27, 28, 29 na Volume 30.

Kamwana Ka Kijana Charles Musyoki KIKUMBI kala niko Festus Kituu Musyoki nikanakunie Wathi ukwitwa "Pole Mashambiki" Mwakani Wa 2016 na ni wikwaty'o wa kila umwe witu Kana Kimangu Band Ndikathela.


Ngai Amaiye Aini Asu Usuvioni Wa Tene Na Tene. Amina.

Vala musyoki watiiwe ni thayu nivatwilithiwe soko na weetwa isyitwa ya kimangu.
Ngali ila ya muminie yi sokoni we kisayani,kibwezi.after kutwawa garage masaku kijana amina uthikwa yasyokie yateewa B.S Manoo,former principal of kalulini secondary school kibwezi ula wamitumiie kwa ivinda na asyoka amiteeya Aaron mwikya,kwa isyitwa ya biashara 'ulaso'.ngali isu niyiendaa nginya umunthi.ikunaa matatu route ya kibwezi-kisayani-Kyanginywa.